மருத்துவ குறிப்பு

இந்திய மருத்துவங்களை ஆயுஷ் மருத்துவ முறைகள் என்று அழைக்கிறோம். 

AYUSH என்பது இந்தியாவில் நடைமுறையில் உள்ள முக்கிய மருத்துவ முறைகளின் கூட்டுப் பெயராகும். 

ஆயுர்வேதம் (Ayurveda): உடல்–மனம்–ஆன்மா ஆகிய மூன்றையும் சமநிலைப்படுத்தி, முழுமையான நலநிலையை வலியுறுத்தும் தொன்மையான மருத்துவ முறை.

யோகா (Yoga): உடல் நிலைப்பாடுகள், மூச்சுப் பயிற்சி, தியானம் ஆகியவற்றின் மூலம் உடல், மனம் மற்றும் ஆன்மாவின் ஒன்றிணைப்பை நோக்கமாகக் கொண்ட பயிற்சி முறை.

இயற்கை மருத்துவம் (Naturopathy): நீர், காற்று, உணவு, மண் போன்ற இயற்கை கூறுகளை அடிப்படையாகக் கொண்டு சிகிச்சை அளிக்கும் முறை.

யுனானி (Unani): மூலிகை மருந்துகள் மற்றும் உடலில் உள்ள திரவங்களின் (Humours) சமநிலையை மீட்டெடுப்பதன் மூலம் ஆரோக்கியத்தைப் பெறும் மருத்துவ முறை.

சித்த மருத்துவம் (Siddha): ஐம்பெரும் பூதங்கள் கோட்பாடுகளை அடிப்படையாகக் கொண்ட தமிழர்களின் பாரம்பரிய மருத்துவ முறை.

ஹோமியோபதி (Homoeopathy): இயற்கை மூலப்பொருள்களை மிகவும் நுண்ணிய அளவில் (Highly diluted) மாற்றித் தயாரிக்கப்படும் மருந்துகள் மூலம் உடலின் தன்னைத் தானே இயற்கையான முறையில் குணப்படுத்தும் சக்தியை (Self-healing power) தூண்டி சிகிச்சை அளிக்கும் முறை.

இந்த மருத்துவ முறைகள் அனைத்தும் தெளிவான மருத்துவக் கோட்பாடுகள் மற்றும் விதிமுறைகள் அடிப்படையில் உருவாக்கப்பட்டவை.

இவை நோய்களைத் தடுப்பது, ஆரோக்கியத்தை மேம்படுத்துவது, மற்றும் ஆரோக்கியமான வாழ்க்கை முறையைப் பின்பற்றுவது போன்ற உறுதியான கருத்துக்களை அடிப்படையாகக் கொண்டவை.

இந்தியாவில் AYUSH அமைச்சகம் (Ministry of AYUSH) இந்த மருத்துவ முறைகளின் கல்வி, ஆராய்ச்சி மற்றும் பரப்புரை ஆகியவற்றை மேம்படுத்தும் பொறுப்பை வகிக்கிறது.

இந்தியாவில் ஆயுஷ் மருத்துவங்களும் மாற்றுமுறை மருத்துவங்களும் பொதுமக்கள் மத்தியில் அதிக வரவேற்பு பெற்றுள்ளன. 2022-23 தேசிய சர்வேயின்படி, கிராமப்புறங்களில் 46% மற்றும் நகரங்களில் 53% மக்கள் 365 நாட்களில் தடுப்பு அல்லது சிகிச்சைக்காக AYUSH மருந்துகளைப் பயன்படுத்தியுள்ளனர். விழிப்புணர்வு விகிதமும் உயர்ந்து, 15 வயதுக்கு மேற்பட்டோரில் கிராமங்களில் 95% மற்றும் நகரங்களில் 96% AYUSH பற்றிய அறிவு கொண்டுள்ளனர் என்று புள்ளிவிவரங்கள் தெரிவிக்கின்றன. ஆயுர்வேதா மிகவும் பிரபலமானது: கிராமங்களில் 40.5%, நகரங்களில் 45.5% பயன்படுத்துகிறார்கள். ஹோமியோபதி (24-51%), யோகா (21-36%) ஆகியவை பின்தொடர்கின்றன; 1.1 கோடி கிராம வீடுகளிலும் 1.4 கோடி நகர வீடுகளிலும் யோகா பயிற்சி உள்ளது. பயன்படுத்துபவர்களில் 70% பேர்கள் AYUSH மருந்துகள் பயனுள்ளவை என நம்புகின்றனர், 60% பேர்கள் பக்க விளைவுகள் இல்லாததை காரணமாகக் கூறுகின்றனர்.  

ஆயுஷ் & மாற்று மருத்துவங்களின் உலகளாவிய வளர்ச்சியில், இந்தச் சந்தை 2024இல் 179-220 பில்லியன் டாலர்களாக இருந்து 2033-2034 வரை 1,400-1,700 பில்லியன் டாலர்களை எட்டும் எனக் கணிக்கப்படுகிறது, ஆண்டுக்கு 20-26% வளர்ச்சியுடன். இந்தியாவில் AYUSH (ஆயுர்வேதா,மூலிகை மருந்துகள், யுனானி, சித்தா, ஹோமியோபதி). சந்தை கடந்த 10 ஆண்டுகளில் 15 மடங்கு வளர்ச்சி கண்டு, உலகளாவிய நல்வாழ்வு சந்தையில் முக்கிய இடத்தைப் பெற்றுள்ளது.

தொகுப்பு: மரு.S.வெங்கடாசலம்.

செய்தி

INTC தேசிய இணைச் செயலாளர் மரு ஓஷோமுரளி சேலம்